3 gün əvvəl millisinə qələbə qazandırmış hücumçu

3 gün əvvəl millisinə qələbə qazandırmış hücumçu "Qəbələ"də!

2015/16 mövsümünün hazırlıqlarını Türkiyədə davam etdirən "Qəbələ” növbəti transferini gerçəkləşdirib. 

Sport7.az xəbər verir ki, Andrey Popoviç, Məhəmməd Mirzəbəyov, Arif Daşdəmirov, Asif Məmmədov, Samir Zərgərov və Vitali Vernidubu heyətinə qatan "qırmızı-qaralar” daha bir legioner transferini reallaşdırıb. 

"Qəbələ" Estoniya milli komandasının futbolçusu Sergey Zenyovla 2 illik müqavilə imzalayıb. 26 yaşlı hücumçu "Qəbələ" ilə münasibətlərini Ərzurumda rəsmiləşdirib. Estoniyalı legionerin son klubu Rusiyanın "Torpedo” (Moskva) komandası olub. O, 2015-ci ilin əvvəlində bu kluba keçib. 

Vətənində "Vaprus" (Pyarnu) (2006) və TFMK (2006-08) klublarında çıxış edən Zenyov 2008-ci ildən legioner həyatı yaşayır. 2008-14-cü illərdə Ukraynanın "Karpatı” klubunun şərəfini qoruyan hücumçu ötən il İngiltərənin "Blekpul” komandasında çıxış edib. 2008-ci ilə qədər U-21-in üzvü olan Sergey 7 ildir Estoniyanın əsas yığmasının şərəfini qoruyur. O, millidə 45 oyunda 11 qol vurub. AVRO-2016-nın seçmə mərhələsinin iyunun 14-də baş tutan son qarşılaşmasında dubla imza atan hücumçu San-Marino üzərində qələbədə (2:0) əsas pay sahibi olub.

"Qəbələ"yə keçidindən sonra Sergey Zenyov ilkin təəssüratlarını gabalafc.az-la bölüşüb: "Qəbələ"yə keçid karyeramda yeni səhifə, yeni hədəflər deməkdir. Yeni komandam Avroliqada çıxış edəcək və Premyer Liqada çempionluq uğrunda mübarizə aparacaq. Hədəfləri olan komandada çıxış etmək hər futbolçunun arzusudur. Mən də "Qəbələ"yə keçdiyimə görə məmnunam. "Qəbələ" haqda qiyabi məlumatlara malikəm. İnternet vasitəsilə komandanı, klubun yerləşdiyi şəhəri, şəraiti və bazanı araşdırmışam. Heyətdə daha öncə rəqib kimi qarşılaşdığımız futbolçular var. Bu mənada Aleksey Qayı, Vitali Vernidubu, Dmitri Bezotosnını tanıyıram. Onların oyununa yaxşı bələdəm. Daha öncə "Karpatı"nın heyətində Avroliqada çıxış etmişəm. Məqsədim təcrübəmdən istifadə edərək komandama həm Avroliqada, həm də ölkə çempionatında kömək olmaqdır".

Sport7.az

OXŞAR XƏBƏRLƏR

XƏBƏRLƏR
BLOGLAR