Azərbaycan kubokunun qalibi Avroliqaya 1-ci mərhələdən başlayacaq

Azərbaycan kubokunun qalibi Avroliqaya 1-ci mərhələdən başlayacaq

2020/21 mövsümündə avrokuboklarda iştirak edəcək komandaların ölkələr üzrə bölgüsü açıqlanıb.
 
Sport7.az xəbər verir ki, yeni mövsümdə Azərbaycanı avrokuboklarda təmsil edəcək klubların mübarizəyə hansı mərhələdən başlayacağı da bilinib. Belə ki, Premyer Liqanın qalibi olan komanda Çempionlar Liqasının 1-ci təsnifat mərhələsindən, 2-ci və 3-cü yerin sahibləri isə Avropa Liqasının 1-ci təsnifat mərhələsindən başlayacaq.

Azərbaycan kubokunun qalibi də Avroliqada 1-ci təsnifat mərhələsindən mübarizəyə qoşulacaq. Ötən il kubokun sahibi olan "Qəbələ” mübarizəyə 2-ci təsnifat mərhələsindən başlamışdı. Azərbaycan UEFA-dakı reytinqdə gerilədiyi üçün artıq kubokun qalibi də AL-in 1-ci təsnifat mərhələsindən mübarizəyə başlayacaq.

2018-ci ilin yayında UEFA-nın reytinqində 23-cü yerdə olan Azərbaycan, indi 3 pillə geriləyərək, 26-cıdır.

Azərbaycanı hazırda Avroliqada "Qarabağ” təmsil edir. A qrupunda "Sevilya”, APOEL və "Düdelanj”la mübarizə aparan "köhlən atlar”ın artıq sona bir tur qalmış turnirlə vidalaşacağı dəqiqləşib.
 
Sport7.az

OXŞAR XƏBƏRLƏR

XƏBƏRLƏR
BLOGLAR