Ledeki və Şöström Kvandjuda ilk qızıl medallarını qazandılar

Ledeki və Şöström Kvandjuda ilk qızıl medallarını qazandılar

Cənubi Koreyanın Kvandju şəhərində keçirilən Su İdman Növləri üzrə dünya çempionatında qadın üzgüçülərin mübarizəsində bateflay üsulu ilə 50 m., arxa üstə 200 m. və sərbəst üsulla 800 m. məsafə yarışlarında qaliblər müəyyənləşib.

Sara Şöström Kvandjuda ilk qızıl medalını qazanıb. İsveçli üzgüçü baterflay üsulu ilə 50 m. məsafəni 25,02 saniyəyə üzərək hamını qabaqlayıb. Ranomi Kromovidoyo ikinci, Fərida Osman isə üçüncü nəticə göstərib.

200 m. məsafəyə arxa üstə üzmə yarışlarında Reqan Smit qalib olub. Amerikalı ötən gün sözügedən növdə yeni dünya rekordu müəyyənləşdirmişdi. Avstraliyalı Kayli Makkioun gümüş medala sahib çıxıb. Kayli Mass bürünclə kifayətlənməli olub.

Çempionat boyunca səhhətində problemlər yaşayan Keyti Ledeki hovuza qayıdışını qızıl medalla qeyd edib. Amerikalı sərbəst üsulla 800 m. məsafə yarışında birinci olaraq 15-ci dəfə dünya çempionu adını qazanıb. Bu, Ledekinin DÇ-2019-da ilk qızıl medalıdı. Simona Kvadarella yalnız Ledekidən geri qalıb. 400 m. məsafədə dünya çempionluğunu bayram edən Ariarne Titmus isə bu səfər üçüncü olub.


Su İdman növləri üzrə dünya çempionatı

Kvandju (Cənubi Koreya)

Qadınlar

Baterflay, 50 m.

1. Sara Şöström (İsveç) - 25,02
2. Ranomi Kromovidoyo (Hollandiya) - 25,35
3. Fərida Osman (Misir) - 25,47

Arxa üstə üzmə, 200 m.

1. Reqan Smit (ABŞ) - 2.03,69
2. Kayli Makkioun (Avstraliya) - 2.06,26
3. Kayli Mass (Kanada) - 2.06,62

Sərbəst, 800 m.

1. Keyti Ledeki (ABŞ) - 8.13,58
2. Simona Kvadarella (İtaliya) - 8.14,99
3. Ariarne Titmus (Avstraliya) - 8.15,70

Sport7.az

OXŞAR XƏBƏRLƏR

XƏBƏRLƏR
BLOGLAR