Oturacağa görə problem çıxaran futbolçu düşərgədən qovuldu

Oturacağa görə problem çıxaran futbolçu düşərgədən qovuldu

Çempionlar Liqasının qrup mərhələsində Dortmund "Borussiya”sı ilə qarşılaşan "Brügge”nin düşərgəsində qeyri-adi hadisə baş verib.

Sport7.az xəbər verir ki, Belçika klubunun futbolçusu Emmanuel Dennis oyun üçün stadiona yollanarkən avtobusda sevimli oturacağında əyləşmədiyi üçün heyətdən uzaqlaşdırılıb.

Bunu baş məşqçi Filipp Kleman da təsdiqləyib. Məsələ burasındadır ki, nigeriyalı hücumçu UEFA-nın koronavirus əleyhinə protokolunda verilən oturma qaydaları səbəbindən klub avtobusunda həmişəki oturacağında əyləşə bilməyib. 27 yaşlı forvard buna qəzəblənərək problem çıxardığından, baş məşqçi onu avtobusdan qovub və oyuna aparmayıb. "Brügge” rəhbərliyi bu hərəkətinə görə, Dennisi cərimələyəcək.

Hazırda ikinci hissəsi gedən matçda "Borussiya” 2:0 hesabı ilə öndədir.
 
Sport7.az 

OXŞAR XƏBƏRLƏR

XƏBƏRLƏR
BLOGLAR