Praqada Azərbaycanı 16 cüdoçu təmsil edəcək

Praqada Azərbaycanı 16 cüdoçu təmsil edəcək

Noyabrın 19-da start götürəcək cüdo üzrə Avropa çempionatında çıxış edəcək Azərbaycan milli komandasının heyəti açıqlanıb.

Sport7.az xəbər verir ki, yığmamız Çexiyanın paytaxtı Praqada təşkil olunacaq yarışa 16 cüdoçu ilə yollanacaq.

Tatami üzərinə 9 kişi və 7 qadın idmançımız çıxacaq. Kişilərdən ibarət komandanın şərəfini Kəramət Hüseynov (60 kq), Nicat Şıxəlizadə (66 kq), Rüstəm Orucov (73 kq), Hidayət Heydərov, Murad Fətiyev (hər ikisi 81 kq), Məmmədəli Mehdiyev (90 kq), Elmar Qasımov, Zelim Kotsoyev (hər ikisi 100 kq) və Uşanqi Kokauri (+100 kq) qoruyacaq.

Qadınların mübarizəsində Leyla Əliyeva, Aişə Qurbanlı (hər ikisi 48 kq), Gültac Məmmədəliyeva (52 kq), Aleksandra-Larisa Florian, İçenxorlo Muntxsedev (hər ikisi 57 kq), Günel Həsənli (70 kq) və İrina Kindzerska (+78 kq) qoruyacaq.

Noyabrın 19-21-də keçiriləcək çempionatda 33 ölkədən 278 – 155 kişi və 123 qadın cüdoçunun qatılacağı gözlənilir.
 
Sport7.az

OXŞAR XƏBƏRLƏR

XƏBƏRLƏR
BLOGLAR