"Qarabağ" Qəbələyə yollandı

2020/2021 mövsümündə Azərbaycanı UEFA Çempionlar Liqasında təmsil edəcək "Qarabağ" təlim-məşq toplanışı üçün Qəbələyə yollanıb.

Klubun Mətbuat xidmətinin rəhbəri Nurlan İbrahimovun "Report"a verdiyi məlumata görə, komanda səhər saatlarında əyalətə yola düşüb.

Hazırda İspaniyada olan Xayme Romero və Miçel Maderadan başqa hamı Ağdam təmsilçisinin düşərgəsindədir. Yeri gəlmişkən, ispaniyalı yarımmüdafiəçilərin yenidən Bakıya qaytarılması istiqamətində işlərə artıq start verilib.

Dünən isə komanda üzvləri koronavirus testindən keçiblər. Klubun işçiləri, məşqçilər heyəti və futbolçulardan götürülmüş analizlərin nəticəsi mənfi çıxıb.

Qeyd edək ki, "Qarabağ" koronavirus pandemiyası səbəbindən vaxtından əvvəl başa çatdırılan 2019/2020 mövsümünün qalibi elan olunub.
 
Sport7.az

OXŞAR XƏBƏRLƏR

XƏBƏRLƏR
BLOGLAR