Qurban Qurbanov:

Qurban Qurbanov: "Hələ tam istədiyimiz performansda deyilik"

"Qarabağ" Türkiyə toplanışı çərçivəsində sonuncu yoxlama matçlarını keçirib.
 
Sport7.az xəbər verir ki, "Polşa" təmsilçisi "Visla"ya 2:3 hesabı ilə məğlub olan ağdamlılar "Çexiya "Siqma"sına da uduzub - 1:3. Komandanın baş məşqçisi Qurban Qurbanov hər iki oyunla bağlı düşüncələrini bölüşüb: "Bu gün iki oyun keçirdik. Məğlubiyyətə baxmayaraq, komandadan razı qaldım. Bütün futbolçular demək olar, 90 dəqiqə meydanda oldular. Hər iki komanda bizim üçün çox yaxşı rəqib oldu. Yaxşı pressinq edib, mübarizə aparırdılar. Bu amillər toplantının sonlarında çox vacib idi. Görüşlərdən və futbolçuların oyunlara yanaşmasından razı qaldım. Bundan əlavə, hazırlığımız pis keçmədi. Düzdür, son bir neçə gündə yorğunluq var idi. Futbolçularda daha çox psixoloji yorğunluq hiss edilirdi. Hər bir futbolçu ən yaxşısını etməyə çalışdı. Hazırlıqdan razı qaldım. Hələ tam istədiyimiz performansda deyilik. Düşünürəm ki, Bakıda bunun davamını mütləq gətirəcəyik. Çempionata daha da yaxşı hazırlaşmaq üçün bir həftəyə yaxın vaxtımız var. Bu imkandan çalışıb, maksimum istifadə edəcəyik".
 
Sport7.az

OXŞAR XƏBƏRLƏR

XƏBƏRLƏR
BLOGLAR