"Real" İtaliyada, "Borussiya" ilə "Mançester Siti" Macarıstanda oynayacaq

Bu gün UEFA Çempionlar Liqasında 1/8 final mərhələsinin ilk matçlarına yekun vurulacaq.

Sport7.az xəbər verir ki, son oyun günündə 2 qarşılaşma baş tutacaq. Gecənin maraqlı görüşlərindən biri İtaliyada "Atalanta" ilə "Real" arasında baş tutacaq. 

Digər matçda isə "Borussiya" (Mönhenqladbax) "Mançester Siti" ilə qarşılaşacaq. Qarşılaşma pandemiya ilə bağlı səyahət məhdudiyyətləri səbəbindən Macarıstanın paytaxtı Budapeştdəki "Puşkaş Arena"da keçiriləcək.
 
Bu komandalar arasında cavab matçları martın 17-də olacaq.

Çempionlar Liqası, 1/8 final mərhələsi, ilk oyunlar

24:00. "Atalanta" (İtaliya) - "Real Madrid" (İspaniya)
24:00. "Borussiya" (Mönhenqladbax, Almaniya) - "Mançester Siti" (İngiltərə)

1/8 finalın əvvəlki görüşlərində aşağıdakı nəticələr qeydə alınıb:
 
"Atletiko" (İspaniya) - "Çelsi" (İngiltərə) - 0:1
"Latsio" (İtaliya) - "Bavariya" (Almaniya) - 1:4
"Barselona" - PSJ 1:4
"Leypsiq" - "Liverpul" 0:2
"Portu" - "Yuventus" 2:1
"Sevilya" - "Borussiya" (Dortmund) 2:3 
 
Sport7.az

OXŞAR XƏBƏRLƏR

XƏBƏRLƏR
BLOGLAR