"Real"ın itirdiyi milyonlar

"Real”ın son 3 yay transfer dönəmində transferlərə xərclədiyi pullarla bağlı araşdırma aparılıb.

Sport7.az xəbər verir ki, "kral klubu”nun bu müddətdə ümumilikdə 395 milyon avro itirdiyi bildirilib. Belə ki, son 3 ilin transferlərindən yalnız ikisi – qapıçı Tibo Kurtua və müdafiəçi Ferlan Mendi daimi əsas heyət üzvünə çevrilə bilib. Komanda 2020-ci ilin yayında transfer etmədiyindən (yalnız "Real Sosyedad”da icarədə olan Martin Ereqor qayıdıb), pulun hamısı 2018 və 2019-cu illərdə xərclənib. 

2018-ci ildə Vinisyus Junior, Alvaro Odriozola, Mariano Dias və Brayam Dias, növbəti ilin yayında isə Eden Azar, Luka Yoviç, Eder Militao, Rodriqo Qoes və Renyer heyətə cəlb olunub. Uğursuz keçid sayılan adıçəkilən futbolçuların hamısının transfer qiyməti aşağı düşüb. Məsələn, "Kral klubu" 2019-cu ilin yayında aldığı Eden Azar üçün İngiltərə təmsilçisi "Çelsi"yə 120 milyon avro ödəyib. Hazırda 30 yaşlı belçikalı yarımmüdafiəçinin transfer qiyməti 50 milyon avrodur.

Baş məşqçi Zinəddin Zidanın ilk dəfə Çempionlar Liqasının qalibi olduğu 2015-ci ildə start heyət üzvləri olan Serxio Ramos, Luka Modriç, Dani Karvahal, Kasemiro, Kərim Benzema və Toni Kroos hələ də əvəzedilməzdir.
 
Sport7.az

OXŞAR XƏBƏRLƏR

XƏBƏRLƏR
BLOGLAR