"Zirə"dən ayrılan futbolçu: "Peru yeməkləri üçün darıxıram"

Mövsümün sonunda "Zirə" ilə icarə müqaviləsi başa çatan perulu futbolçu Alvaro Ampuero ölkəsinin mətbuatına açıqlama verib. 
 
Sport7.az xəbər verir ki, müqavilə ilə "Deportivo Minisipial" klubuna məxsus olan 28 yaşlı müdafiəçi Azərbaycan və Peru futbolunu müqayisə edib:
 
"Yaxın günlərdə Peruya qayıdacağam. Amma hədəfim Avropada qalmaq və karyeramı burada davam etdirməkdir. Hər şeyi vətənimdə sakit şəkildə təhlil edəcəyəm. Bizdə texnikalı, Azərbaycanda isə güc və sürət futboluna üstünlük verilir. "Zirə"də sol cinahda çıxış edirdim. Amma mərkəz müdafiəçisi kimi də oynamışam. Komanda hərdən 3-5-2 taktiki sxemi ilə meydana çıxırdı. Bu, məndə alınırdı. Hər zaman baş məşqçinin istifdə etdiyi sistemə uyğun gəlirdim".

Ampuero Azərbaycandakı adət-ənənələrdən də söz açıb: "Xüsusilə də dini mövzu tamam fərqlidir. Məsələn, onların oyunun fasiləsində ibadət etmək adəti var. Sən də bu cür şeylərə hörmətlə yanaşmalısan. Yeməkləri necədir? Pis qidalanmıram, amma Peru yeməkləri üçün darıxıram".

Qeyd edək ki, Ampuero "Zirə"yə ötən yay keçmişdi.
 
Sport7.az

OXŞAR XƏBƏRLƏR

XƏBƏRLƏR
BLOGLAR