"Qəbələ"nin prezidenti MMA döyüşçüsü ilə görüşdü

"Qəbələ” İdman Klubunun prezidenti Fariz Nəcəfov MMA döyüşçüsü Nəriman Abbasov və məşqçisi Şəhriyar Abbasovla görüşüb.
 
Sport7.az xəbər verir ki, görüşdə idmançımızın "AMC Fight Night100” çərçivəsində rusiyalı Şamil Amirovla keçirdiyi döyüş barədə fikir mübadiləsi aparılıb. Klub prezidenti Rusiyanın paytaxtı Moskvada keçirilən qarşılaşmada qələbə qazanaraq yüngül çəkidə (70,3 kq) çempion titulunu qoruyan Nərimanı təbrik edib, ona gələcək döyüşlərində uğurlar arzulayıb: "Hər bir azərbaycanlı çalışdığı sahədə ölkə üçün faydalı olmağa səy göstərməlidir. Nəriman da əlindən gələnin ən yaxşısını bu döyüşdə nümayiş etdirərək ölkəmiz və klubumuz adına qələbə qazandı”. Nəriman Abbasovla məşqçisi Şəhriyar Abbasov "Qəbələ” İdman Klubuna göstərdiyi dəstək üçün təşəkkür ediblər. Onlar vurğulayıblar ki, əsas məqsədləri uğurlarını daha da artırmaq, üçrəngli bayrağımızı daim zirvələrdə dalğalandırmaqdır.
 
Sport7.az

OXŞAR XƏBƏRLƏR

XƏBƏRLƏR
BLOGLAR